ცნობილი გერმანული ბრენდი Dr. Belter სტუმრობს BAU ბათუმის საერთაშორისო უნივერსიტეტს

17 აპრილს, BAU ბათუმის საერთაშორისო უნივერსიტეტმა უმასპინძლა ცნობილ გერმანულ ბრენდს Dr. Belter. სესია ჩაატარა ბრენდის აღმასრულებელმა დირექტორმა, სონია ბელტერ-ჰელალმა.

კომპანია სპეციალიზებულია მაღალი ხარისხის კოსმეტიკური პროდუქციის კვლევაში, განვითარებასა და წარმოებაში.

შეხვედრისას მათ განიხილეს ბრენდის პროდუქცია და კოსმეტიკურ ინდუსტრიაში 40-წლიანი გამოცდილების საფუძველზე შემუშავებული მეთოდოლოგია.

საერთაშორისო თანამშრომლობის კონტექსტში, გერმანია ჩვენს სტრატეგიულ დაგეგმარებაში განსაკუთრებულ ადგილს იკავებს. მსგავსი ღონისძიებები ხელს უწყობს ჩვენს ინტეგრაციას გლობალური პარტნიორობის განვითარებაში.

ჩვენ მადლიერებას გამოვხატავთ ორგანიზაცია Dr. Belter-ის მიმართ გამოცდილებისა და ხედვების გაზიარებისთვის.