პროფესორი იუსი კაუჰანენი BAU ბათუმში

22-დან 25 აპრილის ჩათვლით, BAU ბათუმის საერთაშორისო უნივერსიტეტმა წარმატებით უმასპინძლა აღმოსავლეთ ფინეთის უნივერსიტეტის (UEF) საზოგადოებრივი ჯანმრთელობის პროგრამის ხელმძღვანელს, პროფესორ იუსი კაუჰანენს.

ვიზიტის ფარგლებში პროფესორმა კაუჰანენმა ჩაატარა ინტერაქტიული ლექციები სტუდენტებთან, გაუზიარა მათ საკუთარი მდიდარი გამოცდილება და ხედვა საზოგადოებრივი ჯანმრთელობის სფეროში. გარდა ამისა, გაიმართა შეხვედრა ფაკულტეტის წევრებთან, სადაც განიხილეს სამომავლო თანამშრომლობის შესაძლებლობები და მიმდინარე საგანმანათლებლო ინიციატივები.

განხილვის განსაკუთრებული საგანი იყო BAU ბათუმის საერთაშორისო უნივერსიტეტში საზოგადოებრივი ჯანმრთელობის სამაგისტრო პროგრამის შემუშავება, რომლის დაწყებასაც უნივერსიტეტი უახლოეს მომავალში გეგმავს.

BAU ბათუმი აგრძელებს ჩრდილოეთ ევროპასთან ინტეგრაციისა და მსოფლიოს წამყვან საგანმანათლებლო მოდელებთან ურთიერთობის გაძლიერებას. უნივერსიტეტი გულწრფელ მადლობას უხდის პროფესორ იუსი კაუჰანენს მისი ღირებული წვლილისა და თანამშრომლობისთვის!