ვიზიტი ლიეტუვის ჯანმრთელობის მეცნიერებათა უნივერსიტეტში Erasmus+ პროგრამის ფარგლებში.

BAU ბათუმის საერთაშორისო უნივერსიტეტის აკადემიური პერსონალი და საერთაშორისო ურთიერთობებისა და მარკეტინგის დეპარტამენტის წარმომადგენლები ერასმუს+-ის პროგრამის ფარგლებში ესტუმრნენ ლიტვის ჯანდაცვის მეცნიერებათა უნივერსიტეტს.

ვიზიტის ფარგლებში გაიმართა შეხვედრები მასპინძელი უნივერსიტეტის ადმინისტრაციასთან და ფაკულტეტის წარმომადგენლებთან, რათა განეხილათ ერთობლივი საგანმანათლებლო და საერთაშორისო პროექტების განვითარების პერსპექტივები.

პერსონალის წევრები აქტიურად მონაწილეობდნენ პროფესიულ სემინარებსა და კულტურულ ვორქშოფებში, რაც მნიშვნელოვან როლს ასრულებს საერთაშორისო გამოცდილების გაზიარებასა და ინსტიტუციური კავშირების განმტკიცებაში.

BAU ბათუმი აგრძელებს თანამშრომლობის გაფართოებას წამყვან საგანმანათლებლო დაწესებულებებთან და ორმხრივი ურთიერთობების გაძლიერებას საერთაშორისო აკადემიურ სივრცეში.